in

Vrystaatse premier ontvang memorandum van boere

“Die huidige verskriklike toestand van meeste van ons Vrystaatse paaie kan nie net aan die swaar reën toegeskryf word nie, maar aan swak bestuur en verwaarlosing deur die Vrystaatse regering.”

Dit was die openingsverklaring van die memorandum wat Vrystaat
Landbou (VL) vandag aan die Vrystaatse Premier oorhandig het tydens haar besoek aan die Hoopstad-omgewing.

Volgens verteenwoordigers van VL is die Premier se besoek aan die gebied niks meer as ‘n publisiteitsfoefie nie. “Dit was merkwaardig om vanoggend skielik padinstandhoudingsmasjinerie op ons paaie te sien verskyn om onbegaanbare paaie te “herstel” net voor haar aankoms. Dit bewys dat die provinsiale regering nie net bewus is van ons padprobleme nie, maar wel die vermoë het om paaie reg te maak as dit polities gerieflik is om dit te doen”, het Jakkals le Roux, verteenwoordiger van VL, gesê.

VL het besluit om nie toe te laat dat hierdie publisiteitsfoefie onbetwis bly nie en het ‘n memorandum aan die Premier oorhandig waarin die provinsiale regering se onmiddellike optrede regoor die provinsie geëis word.

Die memorandum het geëis dat:

  1. Professionele ingenieursfirmas gebruik word wanneer paaie reggemaak word en nie net nog ‘n werkskeppingsoefening vir polities verbonde kaders nie
  2. Dat die LUR vir polisie, paaie en vervoer, William Bulwane, die begroting en planne vir padinstandhouding in die provinsie publiek beskikbaar stel.
  3. Dat die top swaar personeelstruktuur van die departement krities hersien word om fondse beskikbaar te maak om meer voltydse algemene werkers en skraperoperateurs in diens te neem wat paaie kan onderhou.
    Vrystaat Landbou veroordeel die misbruik van staatsfondse soos uitgelig in die ouditeurgeneraal verslag en dat ons nasionale infrastruktuur netwerke toegelaat word om in so ‘n mate te verval dat dit ‘n groot impak op die plaaslike, provinsiale en nasionale ekonomieë het, asook die vermoë van die private sektor om werk te skep en boere om kos te lewer.

Volgens dr Jack Armour, kommersiële bestuurder van VL, sal die organisasie openbare druk op die Premier en verantwoordelike amptenare handhaaf om paaie reg te maak.

“Burgers betaal buitensporige bedrae belasting aan die regering, maar tog kry ons al hoe minder waarde vir geld. Ons kan nie toelaat dat korrupsie en wanbestuur ons vermoë om voedsel vir die nasie te produseer belemmer nie.”

Bron: Vrystaat Landbou

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Leave a Reply

Your email address will not be published.

Bearings International trek aandag by NAMPO

Agrico se G4-spilpunt stop diewe en verbeter produksie