in ,

Balfour Boerevereniging maak hooimaak kinderspeletjies

This post is also available in: English

Boere en kontrakteurs verstaan dat sukkel en staantyd geld kos. Die enigste antwoord om hierdie frustrasies die hoof te bied, is om die beste toerusting te bekom. Balfour Boerevereniging het sewe jaar gelede begin om ’n gefokuste hooidag aan te bied en die gewildste werktuigverskaffers uit te nooi om hulle masjiene te kom demonstreer. Die hooidag gee boere die geleentheid om self te sien, te beleef, vrae te vra en te vergelyk sodat hulle presies die regte besluite kan neem oor watter toerusting om aan te skaf.

Om ’n boeredag se bywoners te verdubbel sit nie in enige organiseerder se broek nie, maar dit is wat PJ Kriek en sy seuns op hulle plaas, Palmietfontein tussen Devon en Balfour, reggekry het. Vanjaar het meer as 900 mense die Balfour Boerevereniging se hooidag bygewoon.

Balfour
Die lede van die Balfour Boerevereniging se Hooidagbestuur wat die dag meesterlik gereël en aangebied het is Carel Kriek, Danie Bester, Derik Kuün, Gert Kriek en Wouter Nel.

’n Paar van die werktuie wat uitgestaan het was:

Lely
Northmec se Lely Attis PT 130-baaltoedraaier tel ’n ronde baal in die ry op, draai dit deeglik toe en sit netjies neer – alles binne sekondes.
’n Operateur kan deurlopend sien hoe Valtrac se Pöttinger Novacat Alpha Motion-voorsnyer korte mette van gras maak.
Jupidex
Piet Vorster van Jupidex wys die vindingryke ontwerpe van die F5500 McHale-baler uit. Die gevorderde ghries- en oliestelsel is een van McHale se nuutskeppings wat die boer baie tyd en moeite bespaar.
New Holland
New Holland se BR6090 Roll-Bar™-rondebaler rol elke keer ’n stewige en netjiese baal uit sy buik.
JOhn Deere
Blokkiesbale het steeds ’n plek in die hooibedryf en die tegnologie wat John Deere in hulle 359 gesit, het wys dat hulle die boer se behoeftes verstaan en die mark reg lees.
CLAAS
Claas se Jaguar 870 met ’n 3 m-grasopteller vooraan, verorber die gras en spoeg dit fyn en verwerk in ’n wa wat deur die Axion 920 gesleep word.
Kubota
Kubota se M8540-reeks is perfek vir hooimaak. Jupidex se Kverneland Taarap TA 9542-enkelrotorkraghark maak netjiese, eenvormige windrye wat die baler maklik en skoon kan optel.
Balfour
Mikail Greyling en Leandri Strydom van Kemin stel hulle Nutrisave-bestuurstelsel bekend. Dit is entstowwe wat bygevoeg word om so veel moontlik van die voedingstowwe in gras en lusern te bewaar tydens hooi- en kuilvoermaak. Xander Pieterse is ’n verkoopskonsultant van ProAgri.
balfour
900 besoekers het die Hooidag bygewoon.

balfour
Staalplaas is in Heidelberg geleë en het voorheen boere se staal op bestelling gebuig en gerol om veehanteringstoerusting te bou. In 2016 het hulle besluit om self die eindprodukte te vervaardig. Deon en Ilze Kriel wys vir die boere hulle netjiese produkte.

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Dis nag! Beskerm jou eie met Pro Buzz

Dom Boer se lag vir die dag: