Die Amarok dubbelkajuit is nou met 'n TSI-petrolenjin beskikbaar. Die bekendstelling van 'n 2,0 TSI 118kW enjin voltooi die dubbelkajuit-aanbieding wat ook die 2,0 TDI 90kW en 2,0 BiTDI 120kW modelle insluit.

 

Al die enjins gaan gepaard met 'n sesspoed-handratkas. ‘n Outomatiese ratkas word vir die derde kwartaal van 2012 beplan.

 

Sedert die Amarok in Suid-Afrika van stapel gestuur is in September verlede jaar het hy onmiddellik invloed in die bakkie-segment uitgeoefen, veral met sy aktiewe en passiewe veiligheid stelsels.

 

Tot op hede het is meer as 4 500 eenhede van die Amarok dubbelkajuit verkoop, wat hom die tweede gewildste dubbelkajuit-bakkie in Suid-Afrika  maak, vir 2011.

 

In 2010 is die Amarok benoem as 'n finalis vir die Suid-Afrikaanse Gilde van Moterjoernaliste se Motor van die Jaar-toekenning.

 

 

Die vier-silinder 2,0 TSI-enjin maak gebruik van 'n turbo-aangedrewe induksie-stelsel en 'n 16-klep-silinderkop. Sy maksimum kraglewering van 118 kW is tussen 3800 rpm en 5500rpm . 

 

Dit is in wringkrag lewering dat hierdie enjin egter uit blink met 300 Nm teen net 1600 rpm regdeur tot by 3750 rpm.

 

Die TSI versnel van 0 tot 100 km/u in minder as 10 sekondes en het 'n topspoed van 180 km/u. Die  brandstof verbruik is ook goed teen 9,6 liter/100 km en CO2-emissies van 228 g/km.