in ,

Veeboer: Wat jy in ag moet neem as jy ‘n nuwe bul wil koop

Deur Tiny Smith, veespesialis, ProAgri

bul

Baie huiswerk moet gedoen word as dit by bulkoop kom. Dit gaan oor genetika. Die bul wat jy koop is seker die belangrikste besluit wanneer jy met vleis teel. Die bul gaan 50% van jou kudde se nageslag vorm en drie geslagte se impak op jou kudde maak, veral met betrekking tot die bul se dogters wat as vervangingsverse teruggehou word.

Daar is baie aspekte waarna daar gekyk moet word wanneer ’n bul moet kies, maar vir my is die belangrikste – by wie koop jy die bul? Dit is baie belangrik dat jy as koper die teler ken en sy teelbeleid, sy gesondheidsplan en ook sy voerprogram.  Baie keer is die bul op die oog en papier goed dan val hy uitmekaar op jou plaas.

Hier is ‘n paar stappe wat jy kan volg om jou bulkoop te vergemaklik:

  • Kyk na jou huidige kudde en bepaal wat is die huidige sterk en swak eienskappe, hierdie eienskappe sal bepaal waarna jy in ‘n bul soek. Bepaal wat jy in jou kudde soek, watter eienskappe moet in die nageslag wees.
  • Na jou kudde-ondersoekmoet jy die rekords nagaan – kalfpersentasie, speenpersentasie, speengewig en voeromset. Die vorige speenkalwers se groei en slagpersentasie in die voerkraal, kan ook help om te besluit watter bul om te koop.
  • As die moontlike bul wel in die verkoper se kudde gebruik is, kyk na sy kalwers en of dit is wat jy in jou kudde wil hê.
  • Bulkoop is jou besluit, die bul moet inpas by jou beleid en nie andersom nie. Jy moet die impak kan sien as jy na die bul kyk.
  • Gebruik die bulle se syfers, skakel uit tot ‘n moontlike drie tot vyf bulle wat eienskappe het wat jy in jou kudde wil sien.
  • Fokus op die eienskappe van die bul, geen eksterne swakhede, sy loopvermoë en al die ander eienskappe wat jy met die oog kan sien (fonotipe) moet reg wees.
  • Die tyd van die koop van die bul is ook belangrik, die koper moet genoeg tyd vir die bul gee om aan te pas in sy nuwe omgewing en met die ander bulle te meng, voor hy moet begin werk.
  • By veilings is al die inligting in die koper se hand, daar word aangeraai om die katalogus goed deur te gaan en uit te skakel soos hierbo geskryf is.
  • Die duurste bul is nie altyd die regte bul nie, jy moet koop wat jy wil hê en wat in jou kudde gaan werk.
  • Maak seker dat die bul wat jy wil koop getoets is vir alle siektes en ook dat die doseringsplan gevolg is.
  • As jy gelukkig is met die bul – vertel almal, as jy nie is nie vertel net die verkoper. ’n Teler se reputasie kan ‘n lelike knou kry as sy naam swartgesmeer word.

What do you think?

2 points
Upvote Downvote

Total votes: 2

Upvotes: 2

Upvotes percentage: 100.000000%

Downvotes: 0

Downvotes percentage: 0.000000%

chicken fritters

HOENDERKOEKIES aka FRITTERS

CLAAS

Nuwe CLAAS Arion 410