HH Borckenhagen van die Potchefstroomse Landbouskool vertel alles oor die bewerking van velle. Hierdie artikel het in September 1927 in Boerdery in Suid-Afrika verskyn.

 

 

‘n Ou resep vir blousoolleer is die volgende:

 

Nadat die hare op die gewone manier afgemaak is en terwyl die vel nog klam is, word ‘n emmer natgemaakte koringsemels op die haarkant van die vel gesit. Vou die vel op en sit dit vir vier-en-twintig uur in ‘n vaatjie.

 

Na die tyd word dit uitgehaal en goed afgewas met reën- of enige ander sagte water.

 

Skud die water af, gooi die vel oop en strooi die volgende mengsel daarop: 1 lb (0,45 kg) sout, ¼ lb (113 gram) aluin en 2 onse (57 gram) vitrioel (sulfaat van koper). Sorg dat die vel orals daamee gedek is. Vou dit sorgvuldig op en laat dit dan vir vier-en-twintig uur lê.

 

Die vel moet dan gespalk word. Wees versigtig en trek die vel net mooi styf oop, maar moet dit nie ooprek nie, daar die vel op so ‘n manier beskadig kan word.

 

Volgende week vertel HH Borckenhagen hoe om velle met bas te looi.