Die minister van Landbou besoek ‘n plaas en maak of sy baie belangstel in die boerdery. “Hoekom het daardie bees nie horings nie?” vra sy.
“Daar kan verskeie redes wees waarom beeste nie horings het nie,” antwoord die boer geduldig. “Horings kan ander beeste beseer, daarom onthoring boere beeste chemies of met ‘n onthoringbout wat met hitte werk of met ‘n horingknipper- of saag. Sommige rasse word ook totaal sonder horings gebore. Maar hierdie besondere bees het nie horings nie omdat dit ‘n perd is.”